Thursday, August 14, 2008

ಮುಂಜಾವಿನ ಮೋಹಕ ಚಳಿ


ಬೆಳ್ಳನೆ ಬೆಳಕಾಗಿ, ಸೂರ್ಯನ ಕಿರಣ ಸೋಕುವ ಮುಂಚಿನ ಅಮೂಲ್ಯ ಕ್ಷಣಗಳ 'ಚಳಿ' ಅನುಭವವನ್ನು ಶಬ್ಧ ಮತ್ತು ಚಿತ್ರದಲ್ಲಿ ನಿರೂಪಿಸುವ ಪ್ರಯತ್ನವಿದು.
ಮುಂಜಾವಿನ ಮಂಜಿನ ಸರಿ
ಇಳೆಗಿಳಿದಿತ್ತು,
ಭೂವ್ಯೋಮದ ಅಂತರವನು
ಅಳಿಸುತಲಿತ್ತು
ಸುರಲೋಕದ ಅಮೃತರಸ
ಬುವಿಜಡತೆಯನ್ನೆಲ್ಲ
ತೊಳೆ ತೊಳೆಯುತ ಕಣ್ ಬಿಡಿಸಲು
ಅವತರಿಸಿತ್ತೋ,
ಮೇಣ್ ಗಗನವೆ ಮಂಜಾಗುತ
ಕುಸಿಯುತ ಬಿತ್ತೋ
ಎಂಬಂತಿದೆ ಈ ಮಾಗಿಯ ಈ ಮಂಜಿನ ಆಟ
ಸುರಮಾಂತ್ರಿಕ ಸೃಜಿಸಿರುವೀ ಕಣ್ ಕಟ್ಟಿನ ಮಾಟ!
-ಜಿ.ಎಸ್.ಎಸ್.
ಬೆಚ್ಚಗೆ, ನಚ್ಚಗೆ ಕಂಬಳಿ ಮುಚ್ಚಿಕೊಂಡು ಮಲಗುವುದೂ ಸುಖವೇ...

ಮೈಚಳಿ ಕೊಡವಿ ಕಣ್ಬಿಟ್ಟಾಗ, ಮುಂದಿನ ಲೋಕವೆಲ್ಲಾ ಅನಂತತೆಯಲ್ಲಿ ಲೀನವಾಗುವಂತೆ ಮಂಜು ಆವರಿಸಿ ಜಗವೆಲ್ಲಾ ಕನಸಿನಂತೆ ಭಾಸವಾಗುವುದೂ ಸುಖವೇ...

ಅದೃಶ್ಯ ಮಂಜಿನ ಹಾದಿಯಲ್ಲಿ, ಪ್ರತಿ ಹೆಜ್ಜೆಯೂ ಅನ್ವೇಷಣೆಯಂತೆ, ಬಾಯಲ್ಲಿ ಸುಳ್ಳೇ ಹೊಗೆ ಬಿಡುತ್ತಾ ನಡೆವುದೂ ಸುಖವೇ...

ಪೂಜಾರಿಯ ನಡುಕ, ಪೇಪರಿನವನ ಕಟಕಟ, ಹಾಲಿನವನ ಮರಗಟ್ಟುವಿಕೆ ಚಳಿಯ ಬೇಷರತ್ ಕೊಡುಗೆಗಳು.

ಸುಡುಸುಡು ಕಾಫಿ, ಕೈ ಹೆಣೆದ ಸಂಗಾತಿ, ಕವುಚಿಕೊಳ್ಳುವ ಮುದ್ದು ಮಕ್ಕಳು, ಕಿವಿಮುಚ್ಚುವ ಮಫ್ಲರು, ಮೈಯಪ್ಪುವ ಶಾಲು... ಇವೆಲ್ಲಾ ಚುಮುಚುಮು ಚಳಿಯ ಅಮೂರ್ತ ಕ್ಷಣಗಳಲ್ಲಿ ಅವಿರ್ಭವಿಸುವ ಚುಂಬಕಗಳು.

ಮುತ್ತಿನ ಮಣಿಗಳನ್ನು ಹೊತ್ತಿರುವ ಎಲೆ, ಹೂ, ಜೇಡರಬಲೆ, ಚಿಟ್ಟೆ, ಹುಳ ಎಲ್ಲವೂ ಸ್ತಬ್ಧ ಮತ್ತು ಸಶಬ್ಧ. ಇಲ್ಲಿ ಮನಸ್ಸು ಮತ್ತು ಕಣ್ಣಿಗೆ ಮಾತ್ರ ಕೆಲಸ. ಹಬೆಯಂತೇಳುವ ಮಂಜಿನ ದೃಶ್ಯಾನುಭವಗಳು ಕಣ್ಣಿನಿಂದ ಮನಸ್ಸಿನೊಳಗೆ ತುಂಬುತ್ತಿದ್ದಂತೆ ತೇಲುವಂತಹ ಪ್ರಫುಲ್ಲತೆ.

ವ್ಯಾಸಲೀನ್, ಕೋಲ್ಡ್ ಕ್ರೀಮ್, ಸುರಿಯುವ ಮೂಗು, ಕರಕರ ಗಂಟಲು - ಈ ಎಲ್ಲಾ ಕಿರಿಕಿರಿ ಸಂಗಡವೇ ಗಡಗಡ ಗುದಗುಡುವ ಮನಸ್ಸನ್ನು ಚಳಿಯ ಕಿರ್ಗಾಳಿಗೆ, ಮಂಜಿಗೆ ಒಡ್ಡಿ ಸುಖಿಸೋಣ.

7 comments:

Bhramara said...

Dear Mallikarjun

The first cut is very good. I wish you all the best. Pics are excellent. - chandrahs

Unknown said...

dear malli,
beautiful poetry, keep up the good work, all the best
serish

chetana said...

Namaste
idantU nannanna bahaLavAgi seLeyitu. uLidanteyU nimma kaN chaLaka adBhuta.
inthadE mattashTu koDuttiri... koDuttalE iri.

vande,
Chetana Teerthahalli

Unknown said...

Hi,
I appreciate all the photos and the connected blogs. Fantastic!!
V Acharya, Bangaloe

ಮಾರುತಿ ಜಿ said...

nice picture.......... good writings...

Srinidhi said...

sooper chitragalu, sooper baravanige. nimma blog nodiralilla, innu mele nodade iralla bidi :-)

MAHESH BIDIKAR said...

You have some nice capx. Wish I could capture moods like you do. BTW.. what gear you use? MAHESH